Почитувани,
Ни преставува особена чест и задоволство да ве поканиме на 86-та Средба на правниците во организација на Здружението на правници на Република Северна Македонија, што ќе се одржи од 02-04 ноември 2023 година во хотел Метропол, Охрид.
Притоа, ви го најавуваме широкиот спектар на моментално актуелните теми од различни правни области:
Измените на Законот за облигационите односи од јули 2023 г. и предизвиците од нивната имплементација (споредбено-правни аспекти, проблеми во досегашната примена)
- Измените на Кривичниот законик од септември 2023 г. (споредбено-правни аспекти, можни предизвици во нивната примена)
- Легалитетот наспрема легитимитетот на судскиот совет во македонскиот правосуден систем
- Ветингот како правен механиам за прочистување на државните институции од некомпетентни и корумпирани кадри
- Сличности и разлики помеѓу измената на договорот за вработување и понудата на нов променет договор пред отказ
- Постапка за откажување на договорот за вработување со отказ од страна на работникот и работодавачот
- Предложени новини во уредувањето на индустријата за хартии од вредност (финансиски инструменти, проспект, транспарентност)
- Предложени новини во уредувањето на трговските друштва (транспонирање на ЕУ компаниското право во македонското право на трговските друштва)
Подетални информации околу агендата и котизацијата за учество, очекувајте наскоро!
Share This
